Ədəbiyyat

Ədəbiyyat

Əhməd Cəfəroğlunun “Seçilmiş əsərləri” çap olunub

22 avqust 2008 01:29 (UTC +04:00)

Bakı. Ülkər Qasımova - APA. Bakı Slavyan Universitetində (BSU) Əhməd Cəfəroğlunun “Seçilmiş əsərləri” çap olunub. BSU-nun mətbuat xidmətindən APA-ya bildirilib ki, kitabın tərtibçisi, müqəddimə və şərhlərin müəllifi ədəbiyyatşünas-alim, professor Vilayət Quliyevdir. Kitab AMEA-nın müxbir üzvü, professor Kamal Abdullayevin rəhbərliyi ilə həyata keçirilən “Filoloqun kitabxanası - 100” layihəsi çərçivəsində dünya filoloji-fəlsəfi-ədəbi-bədii fikrini təmsil edən əsərlərin orijinaldan tərcüməsi və nəşri işi layihəsi çərçivəsində nəşr olunub. Kitabın ön sözü BSU-nun rektoru, professor Kamal Abdullaya məxsusdur.

Məlumatda bildirilib ki, dünya miqyasında tanınmış Azərbaycan əsilli türkoloq-alim, əsərləri Türkiyədə, Almaniyada, İtaliyada, Polşada, İranda, Yaponiyada və digər xarici ölkələrdə çap olunmuş Əhməd Cəfəroğlunun əsərləri Azərbaycanda ilk dəfə olaraq nəşr olunub.

Qeyd edək ki, sözügedən layihə çərçivəsində M.Baxtinin “Dostoyevskinin poetikasının problemləri”, E.Koseriunun “Ümumi dilçiliyə giriş”, N.Xomskinin “Dil və təfəkkür”, .E.Qolosevkerin “Mfin məntiqi”və s. kimi filoloji incilər ilk dəfə Azərbaycan dilinə yüksək səviyyədə tərcümə olunaraq çap edilib.

Əhməd_Cəfəroğlu