Ədəbiyyat

Ana səhifə

Ədəbiyyat

Nigar Topçubaşova: “Faiq Ağayev mənə ər vəzifəsini yerinə yetirmək qabiliyyətində olmadığını söylədi”

03 oktyabr 2008 15:12 (UTC +04:00)

2004-cü ilin oktyabr ayında Faiq Ağayev mənə evlənmək təklifi edib və mən hər şeyə göz yumaraq onunla ailə qurmağa razılıq vermişəm. Düz bir il biz Faiq Ağayevlə gözəl ailə münasibətlərində yaşamışıq. Ancaq bir il keçdikdən - Faiq qardaşı əməliyyat olunan zaman Gürcüstana gedib-gələndən sonra münasibətlərimiz soyudu. Mən Faiqdən bunun səbəbini soruşdum və o mənə daha ər vəzifəsini yerinə yetirə bilməyəcəyini söylədi”.

APA-nın məlumatına görə, bu sözləri Azərbaycanın xalq artisti Faiq Ağayevin keçmiş həyat yoldaşı Nigar Topçubaşova bu gün keçirdiyi mətbuat konfransında deyib. Mətbuat konfransında Nigarın anası Dilbər Topçubaşova və qardaşı Rüfət İsmayılov da iştirak edib. R. İsmayılov bir müddət əvvəl mətbuata açıqlamasında Faiq Ağayevin qeyri-normal həyat tərzini əks etdirən video-material nümayiş etdirəcəyinə söz versə də, bu istəyini həyata keçirə bilməyib. Onun sözlərinə görə, mətbuat nümayəndələrinin durmadan tələb etdiyi bu video-görüntülərin nümayişinə mətbuat konfransının keçirildiyi zalın rəhbərliyi icazə verməyib. R. İsmayılov anası ilə atası Əli İsmayılovun hələ də evli olduğunu bildirib və bunu təsdiq edən sənədi nümayiş etdirib: “Bu mənim atamın və anamın evli olduğunu təsdiq edən sənəddir. Faiq Ağayevin bir neçə gün əvvəl mətbuata verdiyi açıqlamasında Əli İsmayılovu toydan sonra cəmi bir dəfə görməsi məsələsinə gəlincə, bunun yalan olduğunu təsdiqləyən şəkillər buradadır. Gördüyünüz kimi, Faiqin və atamın da təsviri olduğu şəkillər müxtəlif vaxtlarda və müxtəlif yerlərdə çəkilib”.

Mətbuat konfransında iştirak edən Faiq Ağayevin xalası qızı Gülnarə Bəylərbəyova isə Nigara bir sıra məqamları xatırladıb: “Mən səni Faiqin evinə gəlin gətirmişəm. Xonçanı da mən götürmüşəm. İndi sən Nigarın Faiqlə ailə qurmazdan əvvəl yaşadığın hər şeyi açım-töküm burada? Sən Nigar Faiqlə ailə qurmamışdan əvvəl kiminlə görüşürdün? Özün bilirsən”. G. Bəylərbəyovanın bu ittihamlarına cavab verən Nigar Faiqlə ailə qurmazdan əvvəl nişanlı olduğunu təsdiqləyib: “Bəli, mən Faiqdən əvvəl nişanlı olmuşam. Bunu da çoxu bilir. Ancaq mən Faiqi sevdiyimdən hamıdan və hər şeydən imtina etdim. Nişanımı qaytardıqdan sonra Faiqlə ailə qurmuşam. Bunu mən danmıram. Ancaq Faiqin ər vəzifəsini yerinə yetirmək qabiliyyətində olmadığını heç zaman açıqlamaq istəməmişəm. Mənə və ailəmə qarşı olan şantajlar məni buna məcbur etdi”.

N. Topçubaşovanın anası Dilbər Topçubaşova isə Faiq Ağayevin şantajlarından təngə gəldiklərini bildirib: “Mənim oğluma şantajlardan ibarət mesajlar göndərir. Nigarı və məni şantaj edir. Bütün bunların bir sonu olmalıdır”. Nigar Topçubaşova isə Faiq Ağayevin 2005-ci ildə onu evdən qovduğunu açıqlayıb: “Biz Faiqlə 2006-cı ildə boşanmışıq. Bu boşanma işləri də evdə aparılıb. Bu günə kimi bunu açıqlamamağımın səbəbi isə Faiqin xahişləri olub. O, dəfələrlə məndən bunu açıqlamamağı xahiş edib. Mən də ona hörmət əlaməti olaraq və qorxduğum üçün bunu gizlətmişəm. Bu gün deyilir ki, mən Faiqlə onun var-dövlətinə görə ailə qurmuşam. Halbuki mənim cehizim hələ də onun evindədir. Faiqin evindən mən bir köynəkdə, bir şalvarda çıxmışam. Nə onun mənə verdiyi qızılları, nə də özümə aid olan əşyaları götürmüşəm. Bu da bu söz-söhbətlərə cavabımdır. Kərimlə Təranənin ayrılması məsələsindən sonra Təranə ilə Faiq birləşib. Təranə onun əli ilə mənə zənglər edir. Bunu sübut da edə bilərəm”.

Dilbər Topçubaşova Faiq Ağayevin məhz xalq artisti fəxri adını aldıqdan sonra bu məsələni açıqlamasına münasibət bildirib: “Mən bunu çoxdan açıqlamaq istəyirdim. Ancaq Faiqin xahişləri mənə imkan vermirdi. Dəfələrlə məndən və hər birimizdən bunu açıqlamamağı xahiş edib. Mənə dedi ki, özü sentyabrda bunu açıqlayacaq. Ancaq o bu sözünün də üstündə durmadı. Çünki xalq artisti adını almağı gözləyirdi. O zaman bizə elçi gəlib müqəddəs Qurani-Kərimə əl basıb barəsində yayılmış porno-disklərin saxta olduğunu deyəndə bunu Brilliant Dadaşovanın ona qarşı törətdiyi təxribat adlandırdı. Elə indi də bütün günahları Brilliant xanımda görür”.

Qalmaqalla keçən mətbuat konfransı iki saata yaxın davam edib. Müğənni Kərimin mətbuat konfransının keçirildiyi zalda olması və sonradan Nigarla birgə oranı tək etməsi isə diqqətdən qaçmayıb.

Onu da deyək ki, mətbuat konfransında Faiq Ağayevin xalası qızı G. Bəylərbəyova ilə yanaşı, onun həyat yoldaşı, oğlu və müğənninin digər qohumları da iştirak ediblər.

Faiq_Ağayev