Ədəbiyyat

Ana səhifə

Ədəbiyyat

Azərbaycan Yazıçılar Birliyində Zümrüd Quliyevanın “Uşaqlığımın şəhəri” kitabının təqdimat mərasimi keçirilib

07 oktyabr 2009 14:17 (UTC +04:00)

Bakı. Viktoriya Dementyeva-APA. Azərbaycan Yazıçılar Birliyində şairə, yazıçı, jurnalist Zümrüd Quliyevanın “Uşaqlığımın şəhəri” kitabının təqdimat mərasimi keçirilib. APA-nın məlumatına görə, uzun illər Rusiyada yaşayıb-yaradan yazıçının kitabına üç kino-povest və bir novella daxildir. Müəllif “Gözətçi” adlı kino-povestinin dekabrda Rusiyanın “Kultura” telekanalı tərəfindən ekranlaşdırılacağını bildirib. Filmin quruluşçu rejissoru müəllif özü olacaq: “Gümüşü yallı ağ at” adlı ilk kino-povestimi Azərbaycanda ekranlaşdırmaq ən böyük arzularımdan biridir. Povest milli material əsasında yazılıb, burada günümüzün ağrılı mövzularından olan yetimlik, atasızlıq problemi önə çəkilib”.

Təqdimat mərasimində çıxış edən Yazıçılar Birliyinin üzvləri, həmçinin dəvət olunmuş qonaqlar yazıçını kitabın təqdimatı münasibətilə təbrik ediblər. Deputat Mixail Zabelin bildirib ki, Zümrüd Quliyeva uzun illərdir Bakıda olmasa da, öz doğma şəhərini yaxşı xatırlayır və xatirələrini öz əsərlərində əks etdirir”. Qeyd edək ki, Zümrüd Quliyeva 35 illik fasilədən sonra ilk dəfə Bakıya gəlib.