Ədəbiyyat

Ana səhifə

Ədəbiyyat

“Qranat” mükafatının təqdimetmə mərasimi keçirilib

03 noyabr 2009 20:57 (UTC +04:00)

Bakı. Ülkər Qasımova - APA. “Şəfəq” Azərbaycan Mədəniyyət İşçilərinin Assosiasiyası növbəti dəfə “Qranat” mükafatının təqdimetmə mərasimini keçirib. APA-nın məlumatına görə, “Qranat” mükafatının təqdimatı üç ildir ənənəvi şəkildə keçirilir. Bu il üçüncü ilini qeyd edən “Qranat” mükafatına bu vaxta qədər xalq yazıçısı Natiq Rəsulzadə, şairələr Marina Yanayeva və Tatyana Markova layiq görülüblər.

Mükafatın əsas məqsədi müasir ədəbiyyatın inkişafıdır və mükafat həm nəzm, həm də nəsr janrında ən seçilən ədəbiyyat nümunələrinə təqdim olunur. Bu dəfə münsiflər heyətinin qərarı çoxları üçün gözlənilməz olub. Nəsr nominasiyasında mükafata bakılı fantastik Aleksandr Hakimov layiq görülüb. Münsiflər heyətinin qərarı universal olub, çünki Bakı fantastikasının patriarxı bu janra hər zaman sadiq qaldığına görə xüsusi bir mükafata layiq görülə bilərdi. “Qranat” mükafatı yazıçıya “Legionerlə dialoq” hekayəsinə görə təqdim olunub. Mükafatı assosiasiyanın rəhbəri Həsən Quliyev təqdim edib. Nəsr nominasiyasında ikinci laureat gənc yazıçı Vadim İseyev olub. Gənc yazıçı bu mükafata “Samuli canavarı” sürrealist novellasına, bədii eksprement formasına və hekayənin ənənəvi olmayan mövzusuna görə təqdim olunub. Tədbir zamanı assosiasiyanın rəhbəri Həsən Əliyev Yusif Məmmədəliyev adına ilə medalla təltif edilib.

Tədbirdə eləcə də Leyla Tariverdiyevanın “Qarabağ. Dörd gün” kitabı oxucuların ixtiyarına verilib. Assosiasiyanın üzvləri L.Tariverdiyevanın yeni işi haqqında öz fikirlərini bildiriblər. Bu povest-roman da o dəhşətli günlərdə Qarabağda həqiqətən nə baş verirdi sualına cavab axtarılır. Sonda fortepiano sinfi üzrə müxtəlif mükafatların diplomantı Səbinə Vəlibəyovanın ifasında Şopenin “7-ci etüdü” səslənib.