Ədəbiyyat

Ana səhifə

Ədəbiyyat

Sabah Azərbaycan Dövlət Pedaqoji Universitetində Azərbaycanın xalq yazıçısı Qılman İlkinlə vida mərasimi keçiriləcək

06 noyabr 2009 15:52 (UTC +04:00)

Bakı. Ülkər Qasımova-APA. Bu gün günorta saatlarında dünyasını dəyişən Azərbaycanın xalq yazıçısı Qılman İlkinlə sabah Azərbaycan Dövlət Pedaqoji Universitetində vida mərasimi keçiriləcək. Azərbaycan Yazıçılar Birliyinin mətbuat xidmətinin rəhbəri Ədalət Əsgəroğlunun APA-ya verdiyi məlumata görə, vida mərasimi saat 13:00-dan 15:00-a kimi davam edəcək. Daha sonra isə mərhum II Fəxri Xiyabanda torpağa tapşırılacaq.

Qeyd edək ki, Azərbaycanın xalq yazıçısı bu gün saat 12:30 radələrində 96 yaşında ürək çatışmazlığından vəfat edib.

Qılman İlkin 1954-cü ildən Azərbaycan Yazıçılar Birliyinin üzvüdür. Axundov adına Dövlət mükafatı laureatı (1967), Azərbaycanın əməkdar incəsənət xadimi (1989), xalq yazıçısı, prezidentin fərdi təqaüdçüsüdür. Əsərləri xarici dillərdə çap edilib. İki dəfə “Qırmızı əmək bayrağı” ordeninə, Qafqaz xalqları ali dini şurasının “Paklıq” mükafatına layiq görülüb. İndiyə qədər 30-da qədər kitabı işıq üzü görüb. "Kölgələr sürünür", "Yenilməz batalyon" bədii filmlərinin və bir neçə televiziya filminin ssenari müəllifi olub. Qalada üsyan» (1959), «Şimal küləyi» (1962), «Hədiyyə» (1969), «Dağlı məhəlləsi» (1978), «Dəniz qapısı» (1984), Madam Qədri» (1988) və s. kitablarının müəllifidir.