"Peşə təhsili müəssisələrində 40 mindən artıq tələbə təhsil alır".
APA xəbər verir ki, bu sözləri elm və təhsil nazirinin müavini İdris İsayev jurnalistlərə açıqlamasında deyib.
O bildirib ki, peşə təhsili üzrə dövlət sifarişli yerlərin sayı 84 faizdir: “Orta təhsil xərcimizin məbləği 2700 manatdır. Bundan əlavə, məktəbəqədər təhsil müəssisəsində bir təhsil alana 4500 manat vəsait xərcləyirik”.
İdris İsayev qeyd edib ki, yeni peşə təhsil müəssisələrinin tikilməsi nəzərdə tutulur: “Orada əsasən dövlət sifarişli yerlər olacaq. Peşə məktəblərinə qəbul sayını 2 dəfə artırmalıyıq. Növbəti tədris ilindən peşə təhsili müəssisələrində təhsil alan tələbələrinin sayının 50 minə çatacağını görə bilərik. Çalışacağıq ki, müəyyən edilmiş hədəfləri reallaşdıraq”.
O qeyd edib ki, bu il peşə məktəblərinə 27 mindən artıq tələbə qəbul olunub.
Gülcahan Məmmədova
Günay Elşən
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
