Bakı-APA. İrəvanda etirazçılar silahlı şəxslərin ələ keçirdiyi polis şöbəsinin qarşısında barrikadalar qurublar.
APA-nın “Sputnik Ermənistan”a istinadən verdiyi xəbərə görə, etirazçılar polis qüvvələrinin qarşısında avtomobillər, zibil çənləri, dəmir çəpərlər və sair vasitələrdən istifadə edərək barrikadalar qurmağa başlayıblar.
“Nəticədə, polis şöbəsinin binasına aparan yollar polisin nəzarətində, ərazidən çıxış isə etirazçıların nəzarətindədir”, - deyə agentlik bildirir.
Qeyd edək ki, iyulun 17-də bir qrup silahlı şəxs İrəvan ətrafındakı Erebuni rayonunda polis şöbəsinin binasını ələ keçirib. Onları polis tərəfindən saxlanılmış Qarabağ müharibəsi veteranı Jirayr Sefilyanın azadlığa buraxılmasını tələb ediblər. Hadisə zamanı bir polis ölüb, 3-ü yaralanıb.
Girov saxlanılan şəxslər arasında Ermənistan polisinin rəis müavini general-mayor Vardan Yegiazaryan və İrəvan polisinin rəis müavini polkovnik Valeri Osipyan var.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
