Bakı. Məlahət Nəcəfova - APA. “ABŞ Azərbaycandakı Xəzər Neft-qaz sərgisində 20 ildən artıqdır iştirak edir”.
APA-nın məlumatına görə, bunu ABŞ-ın Azərbaycandakı səfiri Robert Sekuta deyib.
O bildirib ki, ABŞ Azərbaycanda karbohidrogen resurslarının hasilatı və nəqlinə dəstək verir: "Bu il keçirilən sərgidə ABŞ-ı 5 şirkət təmsil edir. Bu şirkətlərdən əlavə bir sıra şirkətlər ənənəvi və bərpa olunan enerji sahəsində, həmçinin enerji effektivliyinin artırılması sahəsində əməkdaşlıq edir və əməkdaşlığa çalışır. Məqsəd həm Azərbaycan, həm Avropa, həm də ümumilikdə geniş regionun enerji təhlükəsizliyini təmin etməkdir”.
Cənub Qaz Dəhlizi layihəsindən danışan səfir onun çox böyük əhəmiyyətə malik olduğunu vurğulayıb. “Layihənin dəyəri 44, milyard dollardır. Biz layihənin həyata keçirilməsində ən yüksək səviyyədə Azərbaycana dəstək göstərmişik və bu dəstəyi davam etdirməyə hazırıq", - deyə o qeyd edib.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
