Bakı. Türbət Bağırova - APA. ATƏT-in fəaliyyətdə olan sədri Almaniya Federativ Respublikası tərəfindən türkiyəli ilahiyyatçı, dosent Bülent Şenay ATƏT-in müsəlmanlara qarşı dözümsüzlük və ayrı-seçkiliklə mübarizə üzrə xüsusi təmsilçisi təyin edilib.
APA-nın xəbərinə görə, bu barədə Türkiyə XİN məlumat yayıb. XİN-in açıqlamasında bildirilir ki, Türkiyə ATƏT coğrafiyasında təhlükəsizlik tədbirlərinin gücləndirilməsi və qurumun siyasi-hərbi, ətraf mühit, insan ölçüsü ilə bağlı fəaliyyətlərinə əhəmiyyətli töhfə verir: “Ölkəmiz regional qeyri-stabillik, miqrant axını və terror təhdidlərinin artması fonunda dözümsüzlük, irqçilik, İslam əleyhinə çıxışların önlənməsi baxımından beynəlxalq institutların fəaliyyətinin dəstəklənməsinə xüsusi töhfə verir. Müsəlmanlara qarşı dözümsüzlük və ayrı-seçkiliyə qarşı qərarlı yanaşmamız nəticəsində bu təyinat tərəfimizdən məmnuniyyətlə qarşılanıb”.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
