Bakı. Musa Əhmədov - APA. Milli Məclisin növbəti plenar iclasında bu il yanvarın 19-da qəbul olunmuş "Azərbaycan Respublikasının İnzibati Xətalar Məcəlləsində dəyişikliklər edilməsi haqqında" qanuna prezidentin etirazı barədə qərar layihəsi səsə qoyulub.
APA-nın məlumatına görə, millət vəkilləri prezidentin etirazını məqsədəuyğun sayıb.
Qeyd edək ki, Azərbaycan Konstitusiyasının 110-cu maddəsinin I hissəsinə uyğun olaraq prezident İlham Əliyev Milli Məclis tərəfindən 2016-cı il yanvarın 19-da qəbul edilmiş "Azərbaycan Respublikasının İnzibati Xətalar Məcəlləsində dəyişikliklər edilməsi haqqında" qanunu imzalamadan fevralın 15-də Milli Məclisə geri qaytarıb. Milli Məclisin sədri prezidentin geri qaytardığı qanunun Milli Məclisin daxili nizamnaməsinin 21-ci maddəsinin ikinci hissəsinə uyğun olaraq, Hüquq siyasəti və dövlət quruculuğu komitəsinin rəyinə göndərib. Hüquq siyasəti və dövlət quruculuğu komitəsinin fevralın 17-də keçirdiyi iclasda bu məsələyə baxaraq prezidentin təklifinin qəbulunu Milli Məclisə təklif edib.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
