Bakı-APA. Fövqəladə Hallar Nazirliyinin “112” qaynar telefon xəttinə daxil olmuş məlumata əsasən, Bakının Qaradağ rayonunda döyüş sursatı aşkarlanıb.
APA-nın Fövqəladə Hallar Nazirliyinin (FHN) saytına istinadən verdiyi xəbərə görə, dərhal nazirliyin müvafiq qurumları hadisə yerinə cəlb olunub.
Aşkar edilmiş “BK-125” markalı mərminin hissəsi mütəxəssislər tərəfindən zərərsizləşdirilib.
Nazirliyin mütəxəssisləri hüquq-mühafizə orqanlarının əməkdaşları ilə birlikdə əraziyə əlavə baxış keçirib və başqa şübhəli əşya aşkar etməyiblər.