Bu ilin yanvar ayı ərzində SOCAR-ın “Azəriqaz” İstehsalat Birliyində əhali sektoru üzrə 9 593 yeni abonent qeydiyyata alınıb.
“Azəriqaz” İB-nin İctimaiyyətlə əlaqələr şöbəsindən “APA-Economics”ə verilən məlumata görə, bunun da 5 732-i Bakı, Abşeron və Sumqayıt, 3 861-i isə regionlar üzrədir. Bununla da ölkə üzrə təbii qazla təmin olunana abonentlərin sayı 2 014 551-ə çatıb.
Qeyd edək ki, bu ilin fevralın 1-nə olan məlumata görə qeyri-əhali sektoru üzrə 409 məscid və dini məbədə təbii qazdan istifadəsi üçün limit ayrılıb.