ABŞ-ın Azərbaycandakı səfiri Robert Sekuta Astara rayonunda səfərdə olub.
APA-nın cənub bürosunun verdiyi məlumata görə, səfir Robert Sekutanı Astara Rayon İcra Hakimiyyətinin başçısı Qəzənfər Ağayev qəbul edib. İH başçısı diplomata Astara rayonunun sosial-iqtisadi inkişafı, turizmi, kənd təsərrüfatı, əhalinin məşğulluğu, sənaye və emal müəssisələri barədə məlumat verilib. Görüşdə Dağlıq Qarabağ münaqişəsinin həlli ilə əlaqədar ATƏT-in Minsk qrupunun həmsədr ölkəsi kimi ABŞ-ın fəaliyyətindən, yeni inşa edilən Şimal-Cənub beynəlxalq nəqliyyat dəhlizinin əhəmiyyətindən söhbət açılıb. ABŞ investorlarının Astara rayonuna cəlb edilməsi məqsədilə müzakirələr aparılıb. Astara şəhərinin ABŞ-ın şəhərlərindən biri ilə qardaşlaşması təklifi də irəli sürülüb.
Səfir Astaraya bundan sonra tez-tez səfər edəcəyini deyib.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
