Bakı. Aqşin Rafiqoğlu – APA-Economics. Bu ilin yanvar-iyul aylarında Azərbaycanda istehlak olunması məqsədilə pərakəndə ticarət subyektlərində istehlakçılara 11,8 mlrd. manatlıq və ya 2013-cü ilin müvafiq dövrü ilə müqayisədə 9,1% çox əmtəə satılıb.
Dövlət Statistika Komitəsindən “APA-Economics”ə verilən məlumata görə, İstehlak mallarının 50,5%-ni qida məhsulları, içkilər və tütün məmulatları, 49,5%-ni qeyri-ərzaq malları təşkil etmiş, qeyri-ərzaq məhsullarının xüsusi çəkisi 3,3% bəndi artıb.
Bu ilin yeddi ayında elektron pərakəndə ticarət dövriyyəsinin həcmi ötən ilin yanvar-iyul aylarına nisbətən 10,2% artaraq 1,5 mln. manat təşkil edib. Əhali real vaxt rejimində sifariş verdikləri istehlak mallarının 78,3%-ni hüquqi, 21,7%-ni fərdi sahibkarların ticarət şəbəkələrindən alıb.
Elektron ticarət dövriyyəsinin 90,3%-ni qeyri-ərzaq malları təşkil edib.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
