Bakı. Pərviz Nuriyev – APA-Economics. "Cənub Qaz Dəhlizi" QSC 1,2 mlrd. dəyərində istiqraz emissiyasına hazırlaşır. Qiymətli Kağızlar üzrə Dövlət Komitəsindən “APA-Economics”ə verilən məlumata görə, QSC-nin kütləvi təklif üsulu ilə yerləşdiriləcək hər birinin nominal dəyəri 100 ABŞ dolları olan 12 463 550 ədəd faizli sənədsiz adlı təmin edilməmiş istiqrazlarının buraxılışı dövlət qeydiyyatına alınıb.
İstiqrazların tədavül müddəti 720 gün, gəlirlilik 6 aylıq Libor+1% müəyyən olunub.
Yerləşdirmədə anderrayter kimi "PSG-Broker" MMC çıxış edir.
Xatırladaq ki, bu ilin may ayında "Cənub Qaz Dəhlizi" QSC 917 mln. 320,8 min ABŞ dolları dəyərində 10 illik istiqraz yerləşdirib.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
