Kürdəmir. Elvin Yaqubov-APA. Kürdəmir rayonunda ölümlə nəticələnən avtomobil qəzası baş verib.
APA-nın yerli bürosunun məlumatına görə, hadisə bu gün saat 16.30 radələrində Bakı-Qazax yolunun Kürdəmir rayonundan keçən hissəsində qeydə alınıb.
İlkin məlumata görə, “VAZ 2106” markalı minik maşını qarşı tərəfdən gələn “KamAZ” markalı maşınla toqquşub. Hadisə nəticəsində minik maşının sürücüsü - Ucar rayonunun Müsüslü kənd sakini 1979-cu il təvəllüdlü İsmayılov Ruslan Güloğlan oğlu dünyasını dəyişib.
Faktla bağlı Baş Dövlət Yol Polisi İdarəsinin istintaq və təhqiqat şöbəsi tərəfindən araşdırma aparılır.