Bakı. Real Cəfərli-APA. “İran 8 ay əvvəl müxaliflər və onları dəstəkləyən qüvvələr tərəfindən Suriyaya zarin qazı keçirildiyi barədə xəbərdarlıq edib”. APA-nın “Fars” xəbər agentliyinə istinadən məlumatına görə, bu barədə İranın müdafiə naziri Hüseyn Dehqan bildirib.
Onun sözlərinə görə, ABŞ hazırda Suriyada hərbi balansı dəyişdirə biləcək gücə sahib deyil: “Ona görə də məhdud çərçivədə hücumla müxaliflərə mənəvi güc verməyə səy göstərir”.
H. Dehqan deyib ki, ABŞ-dan sülhün nə demək olduğunu anlamır və müharibə çığır-bağırı salmaqla məşğuldur: “ABŞ kimyəvi silah hücumunu bəhanə edərək Suriyaya hərbi müdaxilə etmək istəyir”.