Bakı-APA. ABŞ-ın Cənubi Karolina ştatında qaradərili vətəndaşı qətlə yetirməkdə ittiham olunan polis zabiti həbs edilib. APA-nın “Gazeta.ru”ya istinadən verdiyi xəbərə görə, bu barədə Röyters məlumat yayıb.
Məlumata görə, aprelin 4-də baş vermiş insidentin videosu araşdırıldıqdan sonra 33 yaşlı zabit Maykl Sleyqerin həbs edilməsinə qərar verilib.
Video kadrlarda Maykl Sleyqerin avtomobili saxladığı və hadisə yerindən qaçmağa cəhd edən sürücünün kürək nahiyəsindən 8 dəfə atəş açdığı əks olunub.
Polis zabiti öldürülən şəxsin silah çıxarmağa cəhd etdiyini iddia edib. Lakin video görüntüdə qətlə yetirilən vətəndaşın silahsız olduğu müəyyənləşdirilib.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
