Bakı – APA. Qahirəyə uçan “Əlcəzair hava yolları”na məxsus təyyarə Misir paytaxtının beynəlxalq hava limanında eniş edərkən alovlanıb.
APA-nın İTAR-TASS agentliyinə istinadən verdiyi xəbərə görə, eniş zamanı təyyarənin şassisi alovlanıb.
Aeroport xidmətinin operativ müdaxiləsi sayəsində yanğın tezliklə söndürülüb. İnsidentlə bağlı zərərçəkən olmayıb.