Bakı. Şəhriyar Əlizadə - APA. Gəncə Ağır Cinayətlər Məhkəməsində ölümlə nəticələnən yol-nəqliyyat hadisəsi törətməkdə təqsirləndirilən Ramiz İbrahimovun cinayət işi üzrə məhkəmə prosesi başa çatıb. APA-nın məlumatına görə, məhkəmənin hökmü ilə o, 6 il müddətinə azadlıqdan məhrum edilib.
Qeyd edək ki, ötən ilin sentyabrın 26-da Göygöl rayonunda, Bayraq Meydanı ərazisində Hafiz Balaxanov yolu keçmək istəyərkən Ramiz İbrahimovun idarə etdiyi “QAZel” markalı yük avtomobili tərəfindən vurulub. Xəsarət alan şəxs xəstəxanaya yerləşdirilib, lakin onu xilas etmək mümkün olmayıb.