Bakı. Yeganə Laçınzadə - APA-Economics. 2015-ci il aprelin 1-nə banklarda yerləşdirilən əhalinin əmanətləri 7 mlrd. 781,6 mln. manat təşkil edib.
“APA-Economics”in verdiyi xəbərə görə, bu barədə Azərbaycan Mərkəzi Bankının açıqladığı statistikada qeyd olunub.
Statistikaya əsasən, bu göstərici, mart ayının 1-nə olan göstərici ilə müqayisədə 1,9% azdır. Belə ki, fevral ayında əhalinin əmanətləri 7 mlrd. 932,7 mln. manat təşkil edib.
Ötən ilin müvafiq dövrünə nisbətən isə bu rəqəm 16,9% artıb. Qeyd edək ki, 2014-cü ilin martında əhalinin banklardakı əmanətlərinin həcmi 6 mlrd. 656,3 mln. manat olub.