Bakı – APA. “Rabitə” Türkiyədəki təlim-məşq toplanışını başa vurub. Apasport.az saytının məlumatına görə, yeni mövsümə hazırlıqlarını davam etdirən Azərbaycan çempionu qonşu ölkədə 3 matçda nəyə qadir olduğunu nümayiş etdirib.
Səfərə əsas heyət oyunçuları – dünya çempionları Foluke Akinradevo, Tori Dikson, həmçinin Aurea Kruz, Françeska Ferretti və Brenda Kastilyosuz yollanan Bakı təmsilçisi bu qarşılaşmalarda cəmi 1 qələbə qazanıb.
Belə ki, Dejan Brdjoviçin yetirmələri “Vakıfbank”a hər 2 görüşdə uduzublar. Öncə 0:4 hesabı ilə məğlub olan komandamız ardınca yenə rəqiblə bacarmayıb - 1:3 (21:25; 13:25; 32:30; 27:29).
Buna baxmayaraq, “Rabitə” “Beşiktaş”a gücünü göstərib. Təmsilçimiz “qara qartallar”ı “quru hesab”la məğlub ediblər – 3:0 (26-24; 25-19; 25-23).
Qeyd edək ki, “Rabitə” bu həftədən məşqlərini tam heyətlə edəcək.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
