Hacıqabul. Əlibəy Zeynallı - APA. Bakıda keçiriləcək I Avropa Oyunlarının məşəli Şirvan şəhərindən sonra Hacıqabul şəhərinə gətirilib.
APA-nın Mil-Muğan bürosunun məlumatına görə, paytaxtdakı qədim od məbədi Atəşgahda alovlandırılan məşəl Hacıqabul şəhərində yerləşən Bayraq Meydanında qarşılanıb. Hacıqabulda məşəl estafeti saat 17:20-də start götürüb.
Atletlər məşəli Şəhər İcra Hakimiyyətinin qarşısında yerləşən Heydər Əliyev parkına çatdırıblar. Burada Hacıqabul rayon karate-kobudo növü üzrə məşqçi Elnur Şəfiyev simvolik məşəli yandırıb.
Yarışın rəmzi Hacıqabuldan Saatlı rayonuna yola salınıb.