Bakı. Nicat Mustafayev – APA-Economics. Bu ilin yanvar ayında Azərbaycanda kənd təsərrüfatının ümumi məhsulu ötən ilin analoji dövrü ilə müqayisədə 4,5% artıb.
Dövlət Statistika Komitəsindən «APA-Economics»ə verilən məlumata görə, hesabat ayında ölkədə kənd təsərrüfatında yaz-tarla işlərinə hazırlıqla yanaşı yanvar ayında 35,5 min ton diri çəkidə ət, 129,8 min ton süd, 111,2 mln. ədəd yumurta və 2 570 ton tərəvəz istehsal edilib.
«2012-ci ilin müvafiq dövrü ilə müqayisədə ət istehsalı 2,3%, süd istehsalı 5%, yumurta istehsalı 20,3%, tərəvəz istehsalı 10,2%, kənd təsərrüfatının ümumi məhsulu isə 4,5% artıb», - deyə Komitədən bildirilib.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
