Bakı. Fərid Mirzəyev – APA. Bakıda avtomobillərdən akkumlyator oğurlamaqda şübhəli bilinən şəxs saxlanılıb. APA-nın Daxili İşlər Nazirliyinin saytına istinadən verdiyi məlumata görə, iyulun 14-də F. Şahverənova, R. İsrafilova, Z.Zalıyevə və E. Hüseynova məxsus avtomobillərdən akkumlyator oğurlamış Bakı şəhər sakini Cümşüd Əliyev iyulun 15-də Nərimanov Rayon Polis İdarəsinin 17-ci Polis Bölməsi əməkdaşlarının həyata keçirdikləri əməliyyat-axtarış tədbirləri nəticəsində tutulub.
Onun üstünə baxış zamanı isə 5,387 qram tiryək götürülüb.