Bakı-APA. Meksikanın San Luis Potosi ştatında həbsxanada iğtişaş zamanı 7 nəfər ölüb, onlarla adam yaralanıb.
APA-nın "RİA Novosti"yə istinadən verdiyi xəbərə görə, yerli prokurorluq açıqlamasında bildirib ki, polis kameralarda yoxlamalar apararkən məhbuslar onlara hücum edib.
Hal-hazırda həbsxanada vəziyyət nəzarətə götürülüb. Ehtimal olunur ki, məhbusların nəzarətçilərə hücum etməsinin səbəbi bir müddət əvvəl baş vermiş iğtişaşlar zamanı xəsarət almış kamera yoldaşlarına görə intiqam almaq cəhdi ilə bağlı olub.