Daxili siyasət

Ana səhifə

Daxili siyasət

Müsavat Divanı 22 aprel mitinqinə hazırlığı müzakirə edib

16 aprel 2012 14:36 (UTC +04:00)

Bakı. Ramil Məmmədli – APA. Bu gün Müsavat Partiyası Divanının növbəti toplantısı keçirilib.

Partiyanın mətbuat xidmətindən APA-ya verilən məlumata görə, Müsavat Partiyasının Salyan və Siyəzən rayonlarında keçirilən zona müşavirələri haqqında məlumatlar dinlənilib və müsbət qiymətləndirilib. Daha sonra ölkədəki ictimai-siyasi vəziyyət müzakirə olunub. İctimai Palatanın bölgələrdə keçirilən təsis yığıncaqları barəsində məlumatlar dinlənilib.

Toplantıda İctimai Palatanın 22 aprel mitinqinə hazırlıqla bağlı məsələlər geniş müzakirə olunub və müvafiq qərarlar qəbul edilib.

Divan siyasi partiyaların maliyyələşdirilməsi ilə bağlı parlamentdə müzakirəyə çıxarılan qanun layihəsi ilə bağlı 5 partiyanın dünən qəbul etdiyi bəyanatı da müsbət qiymətləndirib.

Sonda cari məsələlərə baxılıb.

Müsavat