Sosial

Ana səhifə

Sosial

Azərbaycan qadınlarının siyasi partiyalarda iştirakı məsələsinə həsr olunmuş seminar keçirilir

21 iyun 2012 11:13 (UTC +04:00)

Bakı. Anaxanım Hidayətova – APA. Bakıda Azərbaycan qadınlarının siyasi partiyalarda iştirakı məsələsinə həsr olunmuş seminar başlayıb. APA-nın xəbərinə görə, ATƏT-in Bakı ofisi və qurumun Demokratik Təsisatlar və İnsan Haqları Bürosunun dəstəyi ilə təşkil olunan iki günlük seminara siyasi partiyalar və rəsmi qurumlardan 30-a yaxın şəxs qatılacaq.

İştirakçılar yerli və beynəlxalq ekspertlərlə birlikdə vətəndaş cəmiyyətləri və siyasi partiyaların demokratikləşmə və qadınların siyasi həyatda iştirakında rolu, mövcud stereotiplər və baryerlərin aradan qaldırılması məsələlərini müzakirə edəcəklər.

ATƏT-in Bakı ofisi rəhbərinin müavini Melissa Stoun bildirib ki, qadınların siyasi partiyaların strukturuna, praktik fəaliyyətinə cəlb olunması qadınların siyasi həyatda kişilərlə bərabər iştirakı baxımından vacibdir.