Azərbaycan Mərkəzi Bankından «APA-Economics»ə verilən məlumata görə, bu göstərici əsasən ölkəyə cəlb olunmuş birbaşa investisiyaların və xarici kreditlər hesabına formalaşıb:
(mln. dollar)
Cəlb olunan xarici kapitalın strukturu | ||
| 2010-ci il | 2011-ci il |
Birbaşa investisiyalar | 3 347,3 | 4 443,9 |
- neft-qaz sektoru | 2 573,4 | 3 465,6 |
- digər sektorlar | 773,9 | 978,3 |
Kreditlər və digər investisiyalar | 4 966,2 | 3 651,0 |
- dövlət təminatlı kreditlər | 735,5 | 1 255,1 |
- dövlət təminatlı olmayan kreditlər | 2 635,3 | 2 053,0 |
-- neft-qaz sektoru | 667,6 | 706,0 |
-- banklar | 1 686,6 | 828,9 |
-- digərləri | 281,1 | 518,1 |
- digər investisiyalar | 1 595,4 | 342,9 |
Neft bonusu | 2,0 | 20,0 |
CƏMİ | 8 315,5 | 8 114,9 |
Mərkəzi Bankın tədiyyə balansına dair şərhdə deyilir ki, birbaşa investisiyalar formasında xaricdən cəlb olunmuş sərmayələrin ümumi məbləği 4,4 mlrd. dollar olub ki, bu investisiyaların strukturunda neft-qaz sektorunun xüsusi çəkisi 78,0% təşkil edir.
Kreditlər və digər investisiyalar formasında cəlb olunmuş sərmayələrin həcmi 26,5% azalıb, onların xarici kapitalın strukturunda xüsusi çəkisi isə 14,7 faiz bəndi azalaraq 45% təşkil edib. Cədvəldən göründüyü kimi, azalma əsasən banklar tərəfindən cəlb edilən kreditlər və digər investisiyalar hesabına baş verib ki, burada azalma müvafiq olaraq 2 dəfə və 4,7 dəfə olub.
Tədiyyə balansına əsasən, əvvəlki dövrlərdə cəlb olunmuş kreditlər üzrə 2 236,1 mln. dollar həcmində vəsait geri qaytarılıb. Qaytarılmış kreditlərin 43,4%-i (969,5 mln. dollar) bank sisteminin, 13,7%-i (306,9 mln. dollar) dövlət və dövlət təminatı əsasında cəlb olunmuş kreditlərin, 25,8%-i (577,4 mln. dollar) neft-qaz sektorunun, 17,1%-i (382,3 mln. dollar) isə digər müəssisə və şirkətlərin payına düşür.