Bakı. Türbət Bağırova - APA. Avstriyanın xarici işlər naziri Sebastian Kurz iyulun 14-də ATƏT-in Daimi Şurasında ölkəsinin gələn il ATƏT-ə sədrliyi dövründəki prioritetlərini açıqlayacaq.
APA-nın xəbərinə görə, bu barədə qurumun saytında məlumat verilib.
Qeyd edək ki, 2017-ci ilin yanvarın 1-dən ATƏT-ə sədrlik Almaniyadan Avstriyaya keçəcək.
Daimi Şura təşkilatın əsas qərarverici orqanlarından biridir və ATƏT məkanında baş verən hadisələrin müzakirəsi və müvafiq qərarlar qəbul edilməsi məqsədilə həftədə bir dəfə toplanır.