Bakı – APA. Azərbaycanın xarici işlər naziri Elmar Məmmədyarov Avropa Birliyinin Cənubi Qafqaz və Gürcüstanda böhran üzrə xüsusi nümayəndəsi Filipp Lefortu xüsusi nümayəndə kimi missiyasının başa çatması ilə əlaqədar qəbul edib. XİN-in mətbuat xidmətindən APA-ya verilən məlumata görə, görüşdə Azərbaycan ilə AB arasında əməkdaşlığın genişləndirilməsi məsələsi müzakirə olunub. Nazir iki tərəf arasında strateji tərəfdaşlıq münasibətlərinin yaradılmasının vacibliyini vurğulayıb.
E. Məmmədyarov 23-24 yanvar tarixlərində Parisdə ATƏT-in Minsk Qrupunun həmsədrləri və Ermənistan xarici işlər naziri ilə keçirdiyi görüşlər barədə də məlumat verib. O, Filipp Leforta gələcək fəaliyyətində uğurlar arzulayıb.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
