Bakı-APA. Yəmən sahili yaxınlığında yük gəminin qəzaya uğraması nəticəsində 12 nəfər ölüb. APA-nın “Röyters”ə istinadən verdiyi xəbərə görə, Yəmən DİN-in açıqlamasına əsasən, qəza nəticəsində Hindistanın 12 vətəndaşı həlak olub. İnsident nəticəsində gəminin bütün ekipajı ölüb.
Qeyd edək ki, avtomobil ehtiyat hissələri və təkərləri daşıyan gəmi yanvarın 30-da Əl-Şəhər şəhəri yaxınlığında saya oturub. Gəmi 10 saat sonra xilasetmə qüvvələri tərəfindən aşkarlanıb, lakin hava şəraiti səbəbindən gəminin ekipajını xilas etmək mümkün olmayıb.
DİN-dən bildirilib ki, gəmi BƏƏ-dən Yəmənin Əl-Mukalla limanına üzürmüş.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
