Bakı-APA. Sankt-Peterburqda inşaat şirkətinin fəhlələri arasında baş vermiş kütləvi zəhərlənmə faktı ilə bağlı cinayət işi açılıb. APA-nın verdiyi məlumata görə, bu barədə “İnterfaks”a Rusiya Daxili İşlər Nazirliyinin Şimal-Qərb federal dairəsi üzrə nəqliyyat idarəsindən bildiriblər.
Cinayət işi Rusiya Çinayət Məcəlləsinin 236-cı maddəsi (sanitar-epidimioloji qaydaların pozulması) ilə açılıb.
Hazırda hadisənin səbəbləri araşdırılır, müvafiq istintaq-əməliyyat tədbirləri həyata keçirilir.
Xatırladaq ki, “Pulkovo-3” hava limanının tikintisi ilə məşğul olan "IC Ictas-Astaldi" inşaat firmasında çalışan 350 nəfər Azərbaycan, Türkiyə və Tacikistan vətəndaşları nahar yeməyindən sonra zəhərlənib. Onların nahar yeməyində verilən toyuq ətindən zəhərləndiyi bildirilib.
Zəhərlənən 350 nəfər təcili-tibbi yardım maşınları ilə Botkin Dövlət Xəstəxanasına aparılıb. Xəstəxanaya yerləşdirilənlərin əksəriyyətinə ambulator yardım göstərilib və onlar evə buraxılıb.
15 nəfərin vəziyyətinin ağır olduğu bildirilir.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
