Bakı. Ramil Məmmədli - APA. “Azərbaycan dilinin qloballaşma şəraitində zamanın tələblərinə uyğun istifadəsinə və ölkədə dilçiliyin inkişafına dair Dövlət Proqramı” üzrə işçi qrupunun iclası keçirilib.
Dövlət Proqramı üzrə işçi qrupunun sədr müavini, professor Həbib Zərbəliyevin APA-ya verdiyi məlumata görə, iclasda işçi qrupunun fəaliyyət planı müzakirə edilib və təkliflər dinlənilib.
İclasda küçə adları, afişa və reklamlarda Azərbaycan ədəbi dilinin normalarının pozulması hallarını müəyyənləşdirmək üçün monitorinq qruplarının yaradılması təklif olunub. Yığıncaqda işçi qrupunun fəaliyyətinə lazımi şərait yaradılması məqsədilə şəhər və rayon icra hakimiyyətləri ilə sıx əlaqələr qurulması, kütləvi informasiya vasitələrində maarifləndirici tədbirlərin həyata keçirilməsi də müzakirə edilib.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
