Bakı. Vahab Rzayev – APA-Economics. Azərbaycan Qiymətli Kağızlar üzrə Dövlət Komitəsi «Joint Leasing» lizinq şirkətinin faizli sənədsiz adlı təmin edilmiş istiqrazlarının emissiya prospektini dövlət qeydiyyatına alıb. «APA-Economics»in xəbər verdiyi kimi, bu barədə Komitənin məlumatında deyilir.
Məlumata əsasən, kütləvi təklif üsulu ilə yerləşdiriləcək bu istiqrazların hər birinin nominal dəyəri 1 000 manat, emissiyanın ümumi həcmi isə 10 mln. manat təşkil edir.