Bakı. Ramiz Mikayıloğlu - APA. “Mən yüksək səviyyədə təşkil olunacağını bildiyim üçün ATƏT Parlament Assambleyasının sessiyasının Azərbaycanda keçirilməsində təkid etmişdim”.
APA-nın verdiyi məlumata görə, bunu jurnalistlərə açıqlamasında ATƏT Parlament Assambleyasının prezidenti Ranko Krivokapiç deyib.
Azərbaycanın ATƏT PA-nın sessiyasına bu cür yüksək səviyyədə ev sahibliyi etməsini ölkənin uğuru və inkişafının göstəricisi kimi dəyərləndirən R. Krivokapiç bildirib ki, Azərbaycan yüksək təşkilatçılıq və qonaqpərvərlik nümayiş etdirir.
O, ATƏT PA-dakı Azərbaycan nümayəndə heyətinin də çox aktiv olduğunu qeyd edib.
R. Krivokapiç ATƏT PA-nın Bakıda sessiyasının səmərəli keçəcəyinə, düzgün qərarlar qəbul ediləcəyinə inandığını vurğulayıb.