Bakı-APA. Çində Çuntsin meqapolisinin yaxınlığında, Yantsı çayının üzərində tikilən körpünün uçması nəticəsində 11 nəfər itkin düşüb. APA-nın “Sinxua” agentliyinə istinadən verdiyi xəbərə görə, insident oktyabrın 12-də baş verib. Məlumata görə, hadisə üzən qaldırıcı kranın oxunun tikilməkdə olan körpünün dayaqlarına aşması nəticəsində baş verib.
Dayaqların uçması nəticəsində yaranan dalğalar 10 fəhlə və 1 yerli sakini çaya aparıb, daha 2 nəfər isə yüngül xəsarət alıb.
Ərazidə tikinti işləri dayandırılıb. Hadisə yerində 150 xilasedici və 16 gəmi cəlb olunub.