Bakı. Fuad Cəfərov - APA. Fövqəladə Hallar Nazirliyi (FHN) Azərbaycanda orta məktəbdə baş verən yanğınla bağlı məlumat yayıb.
APA-nın nazirliyin saytına istinadən verdiyi məlumata görə, Cəlilabad rayonu, Adnalı kəndində (rayon mərkəzindən 15 kilometr aralı) Təhsil Nazirliyinə məxsus ümumi sahəsi 438 kvadratmetr olan birmərtəbəli orta məktəb binasının 6 sinif otağının yanar konstruksiyaları 278 kv.m sahədə yanıb. Məktəbinin qalan hissəsi yanğından mühafizə olunub. Yanğın yanğınsöndürənlər tərəfindən söndürülüb.