Bakı. Real Cəfərli - APA. ABŞ dövlət katibi Con Kerri ilə İsrailin baş naziri Benyamin Netanyahu İranın nüvə proqramını müzakirə ediblər.
APA-nın “Radiofərda”ya istinadən məlumatına görə, görüş oktyabrın 23-də İtaliyanın paytaxtı Roma şəhərində keçirilib.
C.Kerri bildirib ki, İran nüvə proqramının dincməqsədli olduğunu sübut etməlidir: “Bizim İranın nüvə fəaliyyətlərini hansı istiqamətdə apardığını bilməyimiz lazımdır. Dünya bu ölkənin nüvə fəaliyyətlərinin açıq və şəffaf, həmçinin həqiqətən dinc məqsədlərə xidmət etdiyini görməlidir”.
B.Netanyahu isə bir daha əvvəlki tələblərini təkrarlayaraq, İranın uranın zənginləşdirilməsi, həmçinin sentrifuqaların quraşdırılmasından imtina etməsini istəyib.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
