Bakı – APA. Macarıstanın paytaxtı Budapeşt şəhərində gənc azərbaycanlı rəssam Çingiz Mehbaliyevin “Həyatınızı rəngləyərək” adlı fərdi rəsm sərgisi keçiriləcək.
APA-nın xəbərinə görə, Budapeştin ən möhtəşəm saraylarından olan YBL Sarayında təşkil olunan sərginin açılış mərasimi 9 iyul 2013-cü il saat 18:30-da baş tutacaq.
Azərbaycanın Macarıstandakı səfiri Vilayət Quliyev və Macarıstan Milli Assambleyasının (Parlamentinin) və Macarıstan-Azərbaycan Parlamentlərarası Dostluq Qrupunun üzvü cənab Tamaş Hegedüş sərgidə açılış nitqi söyləyəcəklər.
5 gün davam edəcək sərgidə rəssamın 30-a qədər rəngkarlıq və qrafika işləri nümayiş etdiriləcək.