Bakı – APA. Bu gün futzal üzrə UEFA kubokunun “Dördlər finalı”nın püşkü atılıb. Apasport.az saytının məlumatına görə, mərasimdə ilk dəfə Azərbaycanda baş tutacaq həlledici mərhələyə çıxmış 4 klubun təşkil etdiyi cütlər müəyyənləşib.
Azərbaycan çempionu ilə yanaşı, “Barselona” (İspaniya), Moskva “Dinamo”su (Rusiya) və “Kayrat” (Qazaxıstan) yarımfinaldakı rəqiblərinin adını bilib. Naxçıvan təmsilçisinin püşkdə bəxti gətirməyib.
Belə ki, komandamızın rəqibi adlı-sanlı “Barselona” olub. Bu matç “Dördlər finalı”nın 2-ci oyunu olacaq. Digər cütdə isə Qazaxıstan və Rusiya təmsilçiləri görüşəcək.
Qeyd edək ki, aprelin 24 və 26-da keçiriləcək oyunlar “Sərhədçi” İdman Olimpiya Mərkəzində baş tutacaq.
Yarımfinal
24 aprel
18:30. “Kayrat” (Qazaxıstan) – “Dinamo” (Rusiya)
21:00. “Araz” (Azərbaycan) – “Barselona” (İspaniya)
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
