Bakı-APA. Noyabrın 12-də saat 12.00-da Azərbaycan İstiqlal Muzeyinin ekspozisiyasında 9 noyabr – Dövlət Bayrağı Gününə və 12 noyabr – Konstitusiya Gününə həsr olunmuş tədbir təşkil olunacaq. Muzeydən APA-ya verilən məlumata görə, tədbirdə Azərbaycan İstiqlal Muzeyinin direktoru Fəridə Şəmsi, Bakı Dövlət Universitetinin Konstitusiya hüququ kafedrasının baş müəllimi Elşad Nəsirov çıxış edəcəklər. Muzeyin elmi-ekspozisiya şöbəsinin müdiri Şərafət Məmmədovanın təqdimatında Bayraq və Konstitusiya haqqında slayd-şou təqdim olunacaq.
Tədbirdə Bakı Dövlət Universitetinin tələbələri, Prezident Qvardiyasının və Daxili Qoşunların əsgərləri və digər qonaqlar iştirak edəcəklər.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
