Bakı-APA. Banqladeşdə bərənin batması nəticəsində ölənlərin sayı 45-ə çatıb. APA-nın “Röyters”ə istinadən verdiyi xəbərə görə, xilasetmə əməliyyatı dayandırılıb, hazırda yalnız cəsədlərin axtarışı davam etdirilib.
İlkin versiyaya görə, bərənin batmasına səbəb onun həddindən çox yüklənməsi olub – 122 sərnişin üçün nəzərdə tutulmuş gəmidə 200-dən çox sərnişin olub.
İnsident mayın 15-də Meqxna çayında baş verib.