Bakı. Cavid Zeynalov – APA. Milli Azərbaycan Tarixi Muzeyində “Qarabağ xalçaları” adlı kitab-kataloq işıq üzü görüb.
Muzeydən APA-ya verilən məlumata görə, kataloqda Qarabağ xalçalarının tarixçəsi barədə geniş məlumat verilib. Kataloqda muzeyin kolleksiyasına daxil olan 150-yə yaxın Qarabağ xalça və xalça məmulatları haqqında məlumat əldə etmək olar. Hər eksponatın rəngli fotoşəkli ilə bərabər onun toxunduğu dövr, ölçüləri, boyanma xüsusiyyətləri, muzeyə daxil olma tarixi də göstərilib.
Kitab-kataloqun elmi redaktoru akademik Nailə Vəlixanlı, mətn Gülzadə Abdulovadır.