APA-nın məlumatına görə, səfər Avropa Şurasında (AŞ) akkreditasiya olunmuş media nümayəndələrinin təmsil olunduğu “Avenue Europe” (“Avropa Prospekti”) təşkilatının təşəbbüsü ilə Azərbaycanın Avropa Şurası Nazirlər Komitəsinə sədrliyi ərəfəsində baş tutub.
Nümayəndə heyətinə daxil olan Anjey Geber (Polşa radiosu), Samanta Aqro (ANSA agentliyi, İtaliya), Kayhan Karaca (NTV, Türkiyə), Olipmpia Tsipiza (Afina Xəbərlər Agentliyi), Xavyer Agular (EFE agentliyi, İspaniya), Yolanda Badelita (“Azadlıq” radiosu, Rumıniya), Fausta Sperenza (Vatikan radiosu) və Fuad Qulubəyli (APA, Azərbaycan) bu gün “APA Holding”də olublar.
“APA Holding” MMC-nin prezidenti Vüsalə Mahirqızı holdinqin fəaliyyəti, Azərbaycan mətbuatının durumu, enerji məsələləri, Dağlıq Qarabağ münaqişəsi, Azərbaycan-Avropa Birliyi, Azərbaycan-NATO münasibətləri, regionda baş verən hadisələr, Ukrayna böhranı və digər məsələlər haqqında ətraflı danışıb.
Sonra jurnalistlərin çoxsaylı sualları cavablandırılıb.
Görüşdən sonra qonaqlar holdinqin ofisi ilə tanış olublar.
Görüşdə “APA Holding” MMC-nin Direktorlar Şurasının sədri Nurşən Quliyev də iştirak edib.
Qeyd edək ki, səfər çərçivəsində avropalı jurnalistlərin Prezident Administrasiyasında, Xarici İşlər Nazirliyində, Dövlət Neft Fondunda, ARDNŞ-də, Energetika Nazirliyində görüşləri nəzərdə tutulur.
Jurnalistlər dünən Bakı və Bakı ətrafında tarixi-mədəni abidələrlə tanış olub, bu gün Fəxri xiyabanı və Şəhidlər xiyabanını ziyarət ediblər.
Qeyd edək ki, “APA Holding” MMC-yə daxil olan APA İnformasiya Agentliyinin Avropa Şurasının mərkəzi ofisində təmsilçiliyi var.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
