Almatıda baş vermiş iğtişaşlar nəticəsində 90 nəfər yaralanıb

Almatıda baş vermiş iğtişaşlar nəticəsində 90 nəfər yaralanıb
# 02 sentyabr 2013 10:17 (UTC +04:00)

APA-nın “Tengrinews”a istinadən xəbərinə görə, xəsarət alanlar arasında polis əməkdaşları da var.

Almatının 7 saylı şəhər xəstəxanasında 3 polis əməkdaşı müalicə olunur. Onların həyatı üçün təhlükə yoxdur. İğtişaşlar zamanı həlak olanlar barədə yayılan məlumatlar isə təsdiqini tapmayıb.

Qeyd edək ki, iğtişaşlar populyar müğənni Kayrat Nurtasın “Praym Plaza” ticarət-əyləncə mərkəzində keçirilən konserti zamanı başlayıb. Müğənninin səhnəni erkən tərk etməsi tamaşaçıların xoşuna gəlməyib. Qəzəbli kütlə səhnəni və mərkəzdə yerləşən mağazaları dağıdıb. Daha sonra iğtişaşlar küçədə davam edib.

Qayda-qanunun bərpası məqsədilə əraziyə OMON dəstələri yeridilib. 150-dən çox şəxs saxlanılsa da, sonradan əksəriyyəti sərbəst buraxılıb. Baş vermiş hadisə ilə əlaqədar xuliqanlıq maddəsi ilə cinayət işi açılıb.

#
#

ƏMƏLİYYAT İCRA OLUNUR