Bakı. Aqşin Rafiqoğlu - APA-Economics. Qazaxıstanın “KazMunayQaz” neft-qaz şirkəti xaricdən bu ölkəyə yanacaq-sürtgü materiallarının (YSM) göndərilməsi barədə razılaşma əldə edib.
“APA-Economics”in məlumata görə, bu barədə Qazaxıstanın energetika nazirinin müavini Maqzum Mirzaqaliyev bildirib.
Onun sözlərinə görə, Qazaxıstan son vaxtlar YSM çatışmazlığı ilə üzləşib: “Bu problemi həll etmək üçün “KazMunayQaz” Rusiya və Azərbaycan ilə böyük həcmdə müqavilələr bağlanılıb. Müqaviləyə əsasən, şirkət Rusiyadan 180 min ton, Azərbaycandan isə 10 min ton yanacaq-sürtgü materialları alacaq”.
“Qazaxıstan YSM çatışmazlığı ilə əlaqədar vəziyyətin düzələcəyini gözləyir və artıq vəziyyət yaxşılaşmaqdadır. 2016-cı ildə neftayırma zavodunun modernləşdirilməsi başa çatdıqdan sonra daxili bazar yanacaq-sürtgü materialları ilə tam təmin ediləcək və 2022-2023-cü ilədək Qazaxıstanda YSM qıtlığı olmayacaq”, - deyə M. Mirzaqaliyev bildirib.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
