Bakı. Vüsal Nəbiyev - APA-Economics. Yeni vizual görünüşü ilə sadiq abunəçilərinin etimadını təkrar qazanmağı, onların məmnuniyyətini artırmağı hədəfləyən “Nar” öz yeni “Salam” promo kampaniyasını təqdim edib.
Şirkətdən “APA-Economics”ə verilən məlumata görə, kampaniya çərçivəsində operatorun mövcud abunəçiləri, həm də “Nar”a qoşulacaq yeni abunəçilər artıq bütün istiqamətlərdə cəmi 3 qəpiyə həm danışıq, həm də SMS göndərmək fürsəti qazanıblar.
Qeyd edək ki, yeni Nar abunəçiləri “Salam” kampaniyasına pulsuz qoşula bilərlər.
Kampaniya çərçivəsində “Nar” abunəçiləri ilk ay ərzində abunə haqqını ödəmədən 2 sevimli nömrəyə cəmi 1.5 qəpiyə zəng etmək imkanı qazanırlar.
Təklifi aktivləşdirmək üçün “salam” yazaraq 777 qısa nömrəsinə SMS göndərmək, və ya *777#334#YES kodunu yığmaq lazımdır. Bundan başqa www.nar.az veb səhifəsi vasitəsilə yenilənmiş “şəxsi kabinet” imkanından yararlanmaq, ya da “Nar” mərkəzləri ilə “Nar dünyası” mağazalarına müraciət etmək kifayətdir.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
