Bakı. Şəhriyar Əlizadə - APA. Bu gün Bakı Ağır Cinayətlər Məhkəməsində soyğunçuluqda təqsirləndirilən Samir Xudaverdiyevin cinayət işi üzrə məhkəmə prosesi başa çatıb.
APA-nın məlumatına görə, prosesdə hökm oxunub. Hökmə əsasən, S. Xudaverdiyev 9 il 6 ay müddətinə azadlıqdan məhrum edilib.
Qeyd edək ki, S. Xudaverdiyev Bakıda bir neçə vətəndaşa qarşı soyğunçuluq edib. Zərərçəkmiş şəxslərin şikayətindən sonra o, polis əməkdaşları tərəfindən saxlanılıb.