Bakı. Etibar Məmmədov – APA. Müsavat Partiyasının millət vəkilliyinə namizədləri partiya Məclisinin 29 avqust tarixli toplantısında elan olunacaq.
Bu barədə APA-ya Müsavat Partiyası başqanının müavini Elman Fəttah məlumat verib. O bildirib ki, Müsavat Partiyası REAL Hərəkatı və Nida Vvətəndaş Hərəkatı ilə seçkilərə bağlı məsləhətləşmələrə başlayıb: “Çalışacağıq ki, seçki dövründə bir-birimizə qarşılıqlı dəstək verək, mübarizəmizi uzlaşdıraq. Yəqin ki, sonda ümumi razılıq əldə olunacaq. AXCP-yə isə əməkdaşlıqla bağlı müraciət etməmişik. Çünki bizdə olan qənaət ondan ibarətdir ki, AXCP real müxalifət qüvvələrinin məsləhətləşmələrinə meylli deyil”.
E. Fəttah parlament seçkilərində öz namizədliyini irəli sürəcəyini də söyləyib: “Müsavat Partiyasının Şirvan rayon təşkilatı mənim namizədliyimi 46 saylı Şirvan seçki dairəsindən təklif edib. Avqustun 29-da bu məsələ partiyanın Məclisində müzakirə olunacaq və namizədliyim təsdiqlənərsə, həmin dairədən irəli sürüləcək”.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
